SteamOS, un sistema operativo para videoxogos

SteamOS é un sistema operativo baseado en Linux usado en máquinas de videoxogos como a Steam Deck, a Lenovo Legion Go S e proximamente a Steam Machine, entre outras.

Nesta charla, un dos membros do equipo de SteamOS dará unha visión xeral do sistema operativo, do seu deseño e as súas funcionalidades básicas, explicando como o software libre fixo posible a creación dun sistema como este, cal foi o traballo necesario para converter Linux nun sistema capaz de correr a maior parte dos videoxogos, e os efectos positivos deste traballo na comunidade Linux en xeral.